السلام عليكم ورحمه الله وبركاته..

صـباحكم / مسـائكم رضى من الرحمن


يــاناس بلـيييز شوفوا سيقاني <<< مايمديكم على العنوان




الصراحة الموضوع كان من فترة ببالي وأمس أنا و صديقيتي فناكيشو سولفنا وتناقشنا بنفس الموضوع


فقررت اني انزل الموضوع بالمنتدى واشوف أرائكم النيرة ..


في الماضي كنا أذا شفنا البنت لابسة عباية ضيقة ومزخرفة وملونة نستغرب ونقول وين اهلها ورا مايربونها

لأن المعروف عن العباية انها سوده وواسعة ..

لكن مع الوقت تعودنا او بمعنى اصح اجبرنا على التعود على هذي المناظر وصرنا نشوف هالشي عادي ..



بس الظاهرة اللي انتشرت الحين بالأسواق شي ماينسكت عنه ابداً

الا وهي لبس القصير والبرمودا والعباية مفتوحة !!!!!

يعني الحين هي رايحة تتسوق ولا تعرض سيقانها للناس <<< عاد من زين السيقان والركب اللي مطلعتها


طيب انا نفسي اعرف ليش مطلعه سيقانها وش تبي يعني ؟؟؟

واللي قاهرني اذا جيت وسألت الوحدة ليش تخلين نفسك فرجة للناس والكل يتكلم عليك

تقول والله ماهمني كلام الناس وانا البس كذا بحسن نية موقصدي شي <<<< بس حلووووة حسن نية

واخيراً ابي رايكم بهذي الظاهرة

اتمنى منكم مناقشة الموضوع بجدية

اجمل التحايا واعذبها لكل من يتواجد هنا

هههههههههههههههههههههههههههه


حبيبتي ما عليك من هدولا الناس



هدولا ما عرفو ربهم ولا عمرهم راح يعرفونه اذا كانو بدي الحيوانيه


...................................................

دي بس بتستعرض سيقانها لانه كما هو معروف الركب عندنا ماش فـ اكيد راح تلفت النظر بدي

السيقان ولا انا كلامي غلط ؟؟

..................................................

دي البنت تلاقي حياتها كلها شباب في شباب وهمها كله الشباب عشان كدا تلاقيها بتعمل اي

حاجه عشان واحد يطالع فيها !!

.................................................

بس احنا ما نقدر نقول انو دي بنت ضايعه او اهلها مو داريين عنها ،،لا ،، هيا بتلاقيها بتعمل

الشي دا عشان تبغى تقلد صاحباتها او بنات المجتمع اللي زيها تلاقي بيجي في بالها ،، ليه دي

الشباب عليها .؟.؟ ليه حتى انا اقدر اسوي زيها ،، حتى انا الف واحد يتمناني وانا راح اثبت

الشي دا !!

................................................

احنا ما نقدر نحط اللوم على البنات دون الشباب او الشباب دون البنات لانه كلهم الغلط راكبهم

،، البنات لو ماشافو انو العيال مدينهم وجه ما كان اتمادو والشباب لو انهم شافو البنات مو

بايعين نفسهم ماكان رخصو من قيمة البنات

..............................................


اميرة حتاتي يسلموو عالموضوع >>>>> جبتيه عالوتر الحساس >>> انا عارفه اني

طولت وانك شويه وراح تخبطيني باللي جنبك بس عاتي عاتي >> اهم شي قلت رأيي

وارتحت !!


............................................


your sis


MoOodi

يسلمو على الموضوع اختي اميرة...


اولا قبل كل شي عجبتني كلمة (سيقان).. ذكرتيني بالممثل ستيفن سيقال... <<<

ثاني شي نعرف المثل اللي يقول لكل ساقط لاقط.. واللي مايستحي من ربه مايستحي من الناس ولا يديهم اي

اعتبار.. وهاذي حرية المرأة اللي يبغوها..

واصلا من زين سيقانهم عصاقيل على قول جدتي.. وركب سووووودااااء...

وهذي الحركات نتيجة طبيعية من نتائج روبي ولميس ونور وماريا مرسيدس ( ياقدييييييييم ).. والقائمة تطول!!!


انا وانا ولد استحي اخرج من البيت و (عصاقيلي) باينه...

على العموم الله الهادي.. والله يحفظنا ويحفظ بنات المسلمين.. والتربية الصحيحة معلومة نتائجها...


تقبلي تحياتي ومروري واسف على الاطالة..

السلام عليكم ورحمة الله وبركاته ..

أميرة عزيزتي ..

بجد خليتيني افكر ..

لكن ماعرفت اطلع بشي يبرر اللي بيسووه ..

يعني صحيح بنلاقي بنات لابسين عبايات مفتوحه وبرمودا وحالة .. من جهه تانيه بنلاقي بنات بعبايات واسعة لكن اللسان طويل ولما تتكلم الله يعفي عننا وعنهم ..

اتفق مع مس انا انو ضعف الوازع الديني .. فلو انها عندها خوف من ربنا لا لبست عباية ضيقه وطلعت سيقانها .. ولا انو قللت من احترام العباية اللي لبستها بصوتها او تصرفاتها ..

شي تاني .. فيه عدم اهتمام ونقص حنان << اهم شي نقص الحنان

يعني لو اهلها مهتمين فيها .. ومنتبهين لها .. ما دورت على شي من برا .. وعجبتني كلمتك مستر تي ( التربية الصحيحه معلومة نتائجها )

لا حول ولا قوة الا بالله .. والله يهدي بنات وشباب المسلمين ..

( اللهم استرنا فوق الارض وتحت الارض ويوم العرض عليك )

اللهم آمين ..

اريجاتوه حبيبتي على الموضوع ..

سايونارا

Ran Mory