منتدى فنكوش

منتدى فنكوش
_________________________

عزيزي الزائر..

إذا كان لديك حساب معنا فنرجو منك الدخول بحسابك لدينا..

أو يمكنك التسجيل كعضو جديد..


يمكنك مشاهدة المواضيع بدون تسجيل..
Gift
38448_135513209817512_100000765017802_164099_2357635_n
Pizza_Hut
Candles2
IMG_0472
MacBook
انعكاس
al wadaa

    معانات مواطن

    شاطر
    avatar
    صدى الحرمان
    فنكوش مميز

    عدد المشاركات : 360
    نقاط التميز : 5
    عدد النقاط : 10874
    المجموعة : لم يلتحق بأي مجموعة
    تاريخ التسجيل : 27/10/2007

    معانات مواطن

    مُساهمة من طرف صدى الحرمان في الخميس 1 مايو - 23:58



    وش عاد يا دار ٍ بها صار ( توطين )

    و في مكتب التوظيف سوسن و ميسون !

    مديرهم مدحت و نائبْته نسرين

    و على الرسبشن حمّص و فول و زيتون !

    كل ما اتصلت اسمع ( الو مرحبا مين ؟

    بدّك وظيفه ؟ .. مين دلّك على هون ؟ )

    اقول انا لي اتصل صار شهرين

    و انتوا وعدتوني متى بس توفون

    اسمي ( مواطن ) ( جامعي ) طيب و زين

    كني ابخطب عندكم و اتّغلون !

    عندي شهادة طايحه بجبدي سنين

    عشش عليها شي له ستة عيون !!

    لو للشهاده لسان قالت ( على وين

    ناوي توديني .. تلف فيني الكون ؟ )

    من كثر ما صورتها غارق بدين

    للهندي راعي المطبعه صرت مديون

    لا ليلي ليل ولا نهاري نوى يبين

    دقيت راسي لين ما صرت مينون !

    مطلوب خبره عالأقل في مجالين

    ولا ّ تجينا بواسطه و سير مدهون !

    ولا انثبر في بيتك .. افرك بكفين

    يومك يشابه امسك و عيش مغبون

    تعدادنا ويّاهم اربع ملايين

    و اهل البلد للحين ما صاروا مليون !!

    ويلاه من باكر اذا وضعنا الحين

    و احنا اقل من الربع حالنا شجون !

    و اللي ابتسم له حظه والله مسكين !

    حصّل وظيفه .. بس في وين .. تدرون ؟

    اكن في راس الخيمه .. حطوه في العين !!

    و اللي سكن في الذيد .. في السلع مدفون !!

    يشوف اهله بس في الأسبوع يومين

    و اذا حسبتوا الدرب كم ساعه ... تبكون

    يعني في كل احواله ذاق الأمرين

    شغّال محزون و بلا شغل محزون

    و الأجنبي اللي راتبه فوق عشرين

    فله و سياره و تذاكر .. و طاعون

    عنده بدل كل شي عالراتب الفين

    حتى بدل معجون اسنان و صابون !

    و من بعد ما يجمع من بلادي فلسين

    و يربّي م القعده على الكرسي بطون

    و يصير في بلاده غني و عنده برجين

    يرحل و هو جاحد .. و كم مثله ملعون !

    و حتى الجماعه قوم مدحت و نسرين

    مردّهم لبلادهم لو يطولون

    يرضون بشوية دراهم .. و شفتين

    صبح و عصر .. لو حتى في الليل يرضون

    بس لو سمعتوا همسهم بينهم بين

    وسط القهاوي يلعنون و يسبون !

    لا تحسبوني عنصري .. كلنا طين

    و الخِـل لو عاتب محبينه يمون

    داري و انا اولى بها من الغريبين

    ما يوصلون لحبها لو يموتون

    و ( الأقربون اولى ) .. كلام ٍ من الدين

    ما جبته من شعري مع الهام و ظنون


    ولد البلد ما يبغي لبلاده الشين

    بالروح بالدم يفتديها ولا يخون

    لكن سؤاله يوم قلتوا له ( توطين )

    يا كيف بيد الغرب توظيفه يكون ؟؟!!

    شعارهم معروف ( راجعنا بعدين )

    و باين من التأجيل .. انهم يخافون


    اذا معك خبرة .. يا اهلين و سهلين

    و اذا شهاده بس .. عنك يصدون

    ما عندنا شاغر .. و بطلنا تعيين

    ولو تحرق الهاتف ترى ما يردون !

    من وين اجيب الخبره ؟ من وين من وين ؟

    دام الوظيفه عند سوسن و ميسون !

    عندي بمطبخ بيتنا خبره سنتين !

    تنفع اذا صاروا المطاعم يوطنون ؟؟!

    ولاّ أهاجر و آخذ الخبرة في الصين ؟

    صح العيون صغار .. لكن يقدْرون

    سؤال يا دار ٍ ..صراحه بترضين ؟

    اني أسافر و اطلب الغرب لي عون ؟

    و سؤال يا ناس ٍ على الراس و العين

    صدق الوظايف واسطه و سير مدهون ؟

    اما الجواب الشافي يجيني الحين

    او هاتوا تأشيره .. اذا كنتوا ترضون !
    avatar
    احلى من القمر
    فنكوش واصل

    عدد المشاركات : 108
    نقاط التميز : 0
    عدد النقاط : 10347
    المجموعة : لم يلتحق بأي مجموعة
    تاريخ التسجيل : 18/04/2008

    رد: معانات مواطن

    مُساهمة من طرف احلى من القمر في السبت 3 مايو - 20:19

    والله مرررره حلو
    يسلمووو
    avatar
    صدى الحرمان
    فنكوش مميز

    عدد المشاركات : 360
    نقاط التميز : 5
    عدد النقاط : 10874
    المجموعة : لم يلتحق بأي مجموعة
    تاريخ التسجيل : 27/10/2007

    رد: معانات مواطن

    مُساهمة من طرف صدى الحرمان في الإثنين 12 مايو - 22:46

    الف شكر عالرد

    تسلمين يالغلا
    avatar
    اخت الفناكيش
    فنكوش خـطـيـر

    انثى
    العمر : 29
    عدد المشاركات : 8014
    المدينة : بين الضلوع
    نقاط التميز : 127
    عدد النقاط : 10855
    المجموعة : لم يلتحق بأي مجموعة
    تاريخ التسجيل : 31/12/2007

    رد: معانات مواطن

    مُساهمة من طرف اخت الفناكيش في الأربعاء 14 مايو - 13:37

    او هاتوا تأشيره .. اذا كنتوا ترضون !

    والله شبابنا اخذوا تاشيرات وسافروا واتغربوا

    في امريكا وماليزيا و...و...

    بحجة الدراسه وبعدين ..ايش يصير لهم

    اتعبتي قلبي بـ القصيده الواقعيه

    لاعدمناك صدى

    دمتي بخير
    avatar
    صدى الحرمان
    فنكوش مميز

    عدد المشاركات : 360
    نقاط التميز : 5
    عدد النقاط : 10874
    المجموعة : لم يلتحق بأي مجموعة
    تاريخ التسجيل : 27/10/2007

    رد: معانات مواطن

    مُساهمة من طرف صدى الحرمان في الأحد 18 مايو - 22:53


    سلامت قلبك يابعدي

    بس هذا حال الدنيا الحمدلله على كل حال

    الف شكر يالغلا عالرد

    الله يعطيك العافيه
    avatar
    قليل من الناس مثلي
    فنكوش خـطـيـر

    انثى
    عدد المشاركات : 1432
    نقاط التميز : 33
    عدد النقاط : 10383
    المجموعة : لم يلتحق بأي مجموعة
    تاريخ التسجيل : 16/04/2008

    رد: معانات مواطن

    مُساهمة من طرف قليل من الناس مثلي في الأحد 18 مايو - 23:08


    مشكوووووووووووووووره صدى الحرمان





    يعطيكي الف عافيه


    بأنتظار كل جديدك





    avatar
    صدى الحرمان
    فنكوش مميز

    عدد المشاركات : 360
    نقاط التميز : 5
    عدد النقاط : 10874
    المجموعة : لم يلتحق بأي مجموعة
    تاريخ التسجيل : 27/10/2007

    رد: معانات مواطن

    مُساهمة من طرف صدى الحرمان في الإثنين 19 مايو - 0:01

    العفو

    الف شكر عالرد يالغلا

    الله يعطيك العافيه
    avatar
    taz
    فنكوش مميز

    ذكر
    العمر : 23
    عدد المشاركات : 514
    نقاط التميز : 45
    عدد النقاط : 10308
    المجموعة : لم يلتحق بأي مجموعة
    تاريخ التسجيل : 15/05/2008

    رد: معانات مواطن

    مُساهمة من طرف taz في الإثنين 19 مايو - 2:09

    مشكوووووورة صدى الحرمان


    ويعطيك العافية
    avatar
    صدى الحرمان
    فنكوش مميز

    عدد المشاركات : 360
    نقاط التميز : 5
    عدد النقاط : 10874
    المجموعة : لم يلتحق بأي مجموعة
    تاريخ التسجيل : 27/10/2007

    رد: معانات مواطن

    مُساهمة من طرف صدى الحرمان في الإثنين 19 مايو - 5:18

    العفو

    الف شكر عالرد

    الله يعطيك العافيه

      الوقت/التاريخ الآن هو الثلاثاء 26 سبتمبر - 22:27